Әрбір басшы мен демеушілік ұйымның бағдарламаға енгізетін өз мақсаттары мен көз-қарастары бар. НУ EMBA бағдарламасы ең үздік студенттердің алған білімдерін бірден өз жұмысында қолдана алатындығын растайды. Осы процесті демеу үшін студентке оның мансаптық мақсаттарына сәйкес келетін диссертациямен жұмыс істеу талабы қойылады және оны НУ-дың ОПҚ бағалайды. Осы мүмкіншілік арқылы демеушілік ұйымы бағдарлама талаптарына икемденіп, дереу және нағыз қолданысқа ие болады.

Сіздің ұйымыңыз өз қызметкерлерінен демалыс күндері және шетелде тұрақтауы кезінде ажыраса да, жұмысқа қайта оралған сәтте олардың алған білімі бірден жұмыс барысында қолданылады. Біз жұмыс берушілерді олардың инвестициясынан барынша нәтиже алу үшін бағдарламаның талаптарына мұқият назар аударуға шақырамыз.

Бағдарлама елеулі түрде уақыт пен көңіл бөлуді талап етеді. Бағдарламаға қабылданған студенттер өзінің кәсіптік маңызды әрі жеке міндеттемелері мен академиялық оқу жоспарының қаталдығы арасын ойдағыдай келістіреді. Студенттер апта сайын оқумен айналысуға көп уақыт бөлуі тиіс. Әрбір ЕМВА студенті өз уақытын әрқалай қолданады; кейбіреулері күн сайын бірнеше сағат бойы оқыса, басқалары тек демалыс күндері ғана оқуы мүмкін. Әрбір студент оның команда, отбасы және әріптестері тұрғысынан өзіне қолайлы болатын оқу кестесін ойластыруы маңызды. Отбасы мен қызметтестерінен қолдау табу табысқа жетудің кілті болып табылады. Кейбір компаниялар өздерінің қызметкерлеріне қосымша қолдау арқылы олардың жұмыс жүктемесін жеңілдетуге көмектеседі (мысалы, қызметкерлерінің қолдауы, демалыс күндерін беру), алайда ЕМВА студенттерінің көпшілігі міндеттерінің жеңілдетілуін күтпеуі тиіс.

Бағдарлама 12 міндетті түрде оқытылатын курстардан, 3 таңдау бойынша оқылатын курстардан және 1 жобадан/диссертациядан тұрады. Міндетті түрде оқытылатын курстар жалпы басқару туралы білім негіздеріне қатысты бағдарламаны қамтиды: қаржы, бизнес функционалдануы, маркетинг, стратегия, бухгалтерлік есеп және көшбасшылық. Таңдау бойынша оқылатын курстар ЕМВА студенттеріне кәсіпкерлік, инвестициялар, келіссөздер жүргізу, бухгалтерлік есеп пен өндіріске қатысты дағдыларды күшейтуге мүмкіндік береді. Жоба/диссертация әрбір ЕМВА студентінен алған білімін өз мансабында қолдануды талап етеді.

ЕМВА бағдарламасының табыстылығы сандық дағдылар бойынша жоғары деңгейдегі шеберлікке байланысты болғанмен, жалғыз сол талап жеткіліксіз болып табылады. Өйткені, ЕМВА бағдарламасы студенттердің көшбасшылық қабілеттерін, басқару, сондай-ақ бүгінгі таңдағы іскерлік ортаға қажетті басқа да сапалы дағдыларды қолдануды және жетілдіруді талап етеді.

Әрине, барлық курстарға қатысу және шетелде турақтау талап етіледі. Бұл сатылы бағдарлама және сіз өз топтастарыңызбен бірге оқу жоспары бойынша жылжуға тиіссіздер. ЕМВА студенттері тәжірибесі бар салалар бойынша пікір бөлісуі арқылы сабақтардың, сондай-ақ топтағы жұмыстардың әсерлі өтуіне ықпал етеді.

НУ ЕМВА бағдарламасы терең зерделеу әдісі пайдаланылатын қарқынды оқу бағдарламасы болып табылады. ЕМВА студенті Астана қаласында тұрғанымен, ол оқу кезеңінде кампуста тұруы тиіс. Кампуста тұру топтық оқу ортасына ықпал етеді, сондай-ақ әрбір пән бойынша оқудың мақсаттарын толық ұғынудың студенттер үшін мәні зор.

Оқудың бірінші аптасында біз тоғыз күндік бағыт-бағдар беру бағдарламасымен қамтамасыз етеміз. Сол бағдарлама қажетті технологияларды түсінуге және пайдалануға даярлауды ескереді. ЕМВА студенттерінің көпшілігі мәтіндік өңдеуді, электрондық поштаны, Интернетті пайдаланумен таныс; алайда қазіргі кезде кестелерді, электрондық тақталарды, сондай-ақ басқа да маңызды электрондық құралдарды пайдалану аса қажетті болып табылады. Сондықтан да, біз бағдарламаны табысты меңгеру үшін ең негізгі компьютерлік дағдылардың (Excel, Word, PowerPoint) болуын ұсынамыз.

Әрбір студентке сенімді ноутбук, сондай-ақ интернет қызметінің тұрақты провайдері (ISP) қажет. Бұл құралдар бағдарламаның талаптарын орындау үшін маңызды. Бағдарламаға қабылданғаннан кейін сіз компьютерге және бағдарламалық қамтамасыз етуге қойылатын талаптар туралы көптеген ақпарат аласыз.